Etter 25 år med uttalige forestillingar, er Immaturus no fast bestemt på å finne grunnleggjaren av Norges største studentteater.
Heile Immaturus-eventyret byrja i 1990 då studenten Ulrikke Klages samla ei gruppe studentar for å starte ei teatergruppe. Året etter hadde Studentteateret si første forestilling. I dag er dei størst i Noreg med over 100 medlemmar.
Finn Ulrikke
Grunnleggjaren Ulrikke Klages vart ikkje verande i Noreg, og no er det ingen som kjenner ho. På Immaturus sitt 10-års jubileum var temaet «Finn Ulrikke Klages». Femten år seinare leitar me framleis, fortel Hedda Paulsen, PR- og informasjonsansvarleg i Immaturus, til Studvest.
Sjølv om ingen klarte å finne ho for 15 år sidan, er teatersjef Rania Broud optimisktisk i år.
– Me trur ho lev i Tyskland, uvitande om at Immaturus har blitt det det er i dag, seier Broud til Studvest.
Stor jubileumsfeiring
I jubileumsåret vil Immaturus slå til med både jubileumsforestilling og bankett. Immaturus skal blant anna vise fram storsatsinga «Alice In Wonderland» med Mira Nadina Mertens som regissør.
– Eg håpar me med dette stykke viser kor langt me har kome i vår kunstneriske utvikling, skriv teatersjef Broud i programbladet for året 2015.
Umoden og lat
Immaturus har ei lang historie bak seg med mange vellykka framføringar og store namn. Men Immaturus namnet sjølv tydar ikkje på storheit. Namnet Immaturus vart eigentleg først brukt som ein intervits blant medlemmane som dreiv med teater. Oversatt tydde det umoden og lat og vart tidlegare brukt om ein karakter ved Universitetet som stod for ikkje bestått. Studentane på den tida brukte så mykje tid på studentteateret at dei fleste strauk på eksamen, og slik fekk teateret til slutt namnet Immaturus.
– Dette vitnar om det me er aller mest stolt av: 25 år med fantastiske medlemmer som har vore dyktige, sterke og kreative ildsjeler, skriv Immaturus i programbladet for 2015.